Вайтовіч: Еўрапейскі марш - вельмі карыснае мерапрыемства

Былы старшыня Савета рэспублікі Аляксандр Вайтовіч лічыць, што ўладам трэба пастаянна нагадваць пра тое, што беларусы не жадаюць быць ізаляванымі ад Еўропы.

“Я лічу, што гэта вельмі карыснае мерапрыемства, якое павінна падкрэсліць, што ўлады, на жаль, паводзяць сябе такім чынам, што ізалявалі краіну ад Еўропы. Між тым, Еўропа з’яўляецца адным з асноўных нашых партнёраў у многіх сферах жыцця: і эканамічнай, і палітычнай, і культурнай. Бо мы фактычна адносімся да еўрапейскай цывілізацыі, і каб прадэманстраваць тое, што беларусы не жадаюць быць ізаляванымі ад Еўропы патрэбна пастаянна нагадваць пра гэта ўладам”, - заявіў Рацыі Аляксандр Вайтовіч.

“Я хачу таксама дадаць, што апазіцыі трэба больш праводзіць акцый сацыяльнай накіраванасці. З гэтага пункту гледжання варта, напрыклад, праводзіць ацыі з нагоды скасавання сацыяльных ільгот. Гэта зараз вельмі хвалюе грамадства”, - сказаў Вайтовіч.

Полезные ссылки: