Анатолий Лебедько: «След взрыва ведет во властные структуры»

Председатель Объединенной гражданской партии Анатолий Лебедько прокомментировал начавшиеся обыски и вызовы в милицию представителей оппозиции по делу о взрыве в Минске в ночь на 4-ое июля.

“Нягледзячы на запэўніваньні Лукашэнкі, што ніякіх рэпрэсій да дэмакратычных актывістаў ня будзе, мы канстатуем, што ўлада, магчыма, хацела як лепш, а атрымоўваецца – як заўсёды. І тое, што мы папярэджвалі ў сваёй заяве, што ёсьць спакуса арганізаваць “крыжовы паход”, яна рэалізуецца на практыцы”, - заявіў палітык для “Радыё Свабода”.

Анатоль Лябедзька таксама мяркуе, што распачаты ўладамі ціск можа сьведчыць толькі пра тое, што “сьлед нейкіх спэцыяльных структураў за гэтым выбухам вядзе хутчэй за ўсё ва ўладныя структуры”. “Цяперашнія рэпрэсіі сьведчаць пра вялікую верагоднасьць таго, што да гэтага маюць дачыненьне пэўныя структуры беларускіх уладаў. Калі б гэта было ня так, то не было б такіх паходаў, выклікаў, ператрусаў. І яны ж ня толькі ў Менску, але і ў рэгіёнах, таму мы можам казаць пра татальны падыход. Гэта не выпадковасьць”, - упэўнены апазыцыйны палітык.

Нагадаем, з учорашняга дня па ўсёй Беларусі ў міліцыю на допыт па справе выбуху ў Менску выклікаюць актывістаў апазыцыі. У шэрагу выпадкаў КДБ і міліцыя праводзіць ператрус на прыватных кватэрах. Літаральна сёньня такі ператрус адбыўся на кватэры адной з кіраўнічак Згуртаваньня беларусаў сьвету “Бацькаўшчына” Ніны Шыдлоўскай, якая ў часе прэзыдэнцкіх выбараў была прэсавай сакратаркай экс-кандыдата на пасаду прэзыдэнта палітвязьня Аляксандра Казуліна.