Барацьба з п’янствам… метадам павелiчэння вытворчасцi алкаголю

Беларусь павялiчвае вытворчасць алкагольнай прадукцыi i адначасова змагаецца з п’янствам. Згодна з рашэннем Савета мiнiстраў, вытворчасць алкагольных напояў будзе павялiчана на 1785 тысяч дэкалiтраў, цi прыблiзна на 2 лiтры моцнага алкаголю на кожнага грамадзянiна краiны разам з немаўлятамi.

Пакуль Саўмiн клапоцiцца пра павелiчэнне бюджэту шляхам продажу алкаголю, Мiнiстэрства ўнутраных спраў заклапочанае прафiлактыкай правапарушэнняў у стане алкагольнага ап’янення. Яно падрыхтавала для прэзiдэнцкага разгляду законапраект па дэалкагалiзацыi насельнiцтва. Прадстаўнiк МУС Мiкалай Мельчанка пацвердзiў наяўнасць праекта закона аб змяненнi i дапаўненнi ў Адмiнiстрацыйны кодэкс, але каменцiраваць адмовiўся. Аднак вядома, што законапраект прадугледжвае адмiнiстрацыйнае пакаранне за распiццё спiртнога ў непрызначаных месцах, за продаж алкаголю непаўналетнiм, а таксама iм прадугледжваюцца некаторыя змены ў адносiнах да размяшчэння рэкламы пiва i спiртных напояў.

Народная воля